Bayden xərçəng diaqnozu qoyulduqdan sonra ilk dəfə ictimaiyyət qarşısında

ABŞ-nin keçmiş prezidenti Co Bayden prostat xərçəngi diaqnozu qoyulduqdan sonra ilk dəfə ictimaiyyət qarşısına çıxıb. Publika.az xəbər verir ki, siyasətçi Konnektikutda Solsberi Liseyini bitirən nəvəsi Robert Hanter Baydenin məzuniyyət tədbirində iştirak edib. Tədbirdən fotonu isə Baydenin həyat yoldaşı Cil Bayden "Instagram"da yayımlayıb. "Qürurlu nənə və baba! "Təbrik edirəm, Hanter - biz səninlə fəxr edirik", - 73 yaşlı Cill Bayden nəvəsi barədə yazıb. Xatırladaq ki, mayın 16-da 82 yaşlı Co Baydendə prostat xərçənginin aqressiv forması aşkarlanıb.