Ölkəni sarsıdan RƏQƏMLƏR

• Azərbaycanda 1991-ci ildə 1000 nəfərə təbii artım göstəricisi 20,4 nəfər idi, indi 3,4 nəfərdir.

• 1000 nəfərə 26,6 doğum vardı, indi 9,7 doğum var.

• 1000 nəfərə 6,2 ölüm düşürdü, indi 6,3 ölüm düşür.

• 1000 nəfərin 10,4 nəfəri nikah bağlayırdı, indi 4,7 nəfəri nikaha girir.

• 1000 nəfərdən 1,5 nəfəri boşanırdı, indi 2,1 nəfəri boşanır...

Dövlət Statistika Komitəsinin hesabatına görə, 2025-ci ilin yanvar-fevral aylarında Azərbaycanda əhalinin təbii artımı - doğum-ölüm nisbəti 2024-cü ilin eyni dövrünə nəzərən 15 faiz geriləyib. İki ayda ölkədə 15971 nəfər doğulub, 10461 nəfər vəfat edib, hər 1000 nəfərə 3,4 nəfər təbii artım düşüb. Medianews.az bildirir ki, dövlət müstəqilliyinin bərpa edildiyi 1991-ci ildə 1000 nəfərə təbii artım göstəricisi 20,4 nəfər idi. Bu göstərici 2001-ci ildə 8,1-ə, 2021-ci ildə 3,5-ə enib. 2025-ci ilin ilk iki ayında hər 1000 nəfərə 9,7 doğum, 6,3 ölüm qeydə alınıb. 1991-ci ildə 1000 nəfərə 26,6 doğum var idi. 2001-ci ildə 13,7 doğum, 2011-ci ildə 19,4 doğum, 2021-ci ildə 11,2 doğum rəsmiləşib. 1991-ci ildə 1000 nəfərə 6,2 ölüm düşürdü. 2001-ci il 5,6 ölüm, 2011-ci il 5,9 ölüm, 2021-ci il 7,7 ölümlə yekunlaşıb. 2025-ci ilin yanvar-fevral aylarında 1000 nəfərə 4,7 nikah, 2,1 boşanma sənədləşib. 1991-ci ildə 1000 nəfərdən 10,4 nəfəri nikah bağlayırdı. 2001-ci ildə 5,2 nikah, 2011-ci ildə 9,7 nikah, 2021-ci ildə 5,6 nikah bağlanıb. 1991-ci ildə 1000 nəfərdən 1,5 nəfəri boşanırdı. 2001-ci ildə 0,7 boşanma, 2011-ci ildə 1,2 boşanma, 2021-ci ildə 1,7 boşanma olduğu bəyan edilib. Toğrul Əli, Medianews.az