Ukraynada müəssisə rəhbərinin otağında partlayış olub: ölənlər var

Ukraynanın Vinnitsa vilayətinin Krıjopol qəsəbəsində kənd təsərrüfatı məhsullarının becərilməsi və emalı ilə məşğul olan müəssisənin rəhbərinin otağında partlayış baş verib. APA-nın UNİAN-a istinadən verdiyi xəbərə görə, yerli vaxtla saat 12.00-da baş verən partlayış nəticəsində 3 nəfər ölüb, 1 nəfər xəsarət alıb. İlkin məlumata əsasən, müəssisənin keçmiş işçilərindən biri rəhbərin otağına daxil olub, daha sonra partlayış baş verib. İki nəfər hadisə yerində, bir nəfər isə xəstəxanada ölüb. Daha bir nəfər isə travma alıb və xəstəxanaya yerləşdirilib.