Rusiyanın tanınmış siyasi eksperti, Putinin müəllimi kimi tanınan Aleksandr Duqinin qızı Darya Duqinanın avtomobilində olarkən bomba hücumu nəticəsində öldürülməsinin əks-sədası bütün dünyada rezonans doğurmaqda davam edir.
Medianews.az xəbər verir ki, Ukrayna Prezidenti Vladimir Zelenski Ukraynanın paytaxtı Kiyevdə 60-a yaxın ölkə və beynəlxalq təşkilatın liderləri və yüksək səviyyəli rəsmilərinin iştirakı ilə keçirilən Krım Platformasının 2-ci Sammitindən sonra açıqlamalar verib.
Rusiya sui-qəsddə Ukraynanı günahlandırsa da, Zelenski bu mövzuda susqunluğunu pozaraq “Bu, qətiyyən bizim məsuliyyətimiz deyil”, – deyə bildirib.
Zelenski sui-qəsdin arxasında duran Natalya Vovkun Ukrayna vətəndaşı olmadığını deyib.
Medianews.az