Azərbaycanlı cəmiyyət sədri Ukraynada mühasirəyə düşüb

  Birləşmiş Ukrayna Azərbaycanlılar Konqresinin Mariupol üzrə sədri Afaq Həmidova və daha bir neçə azərbaycanlı Mariupolda mühasirəyə düşüb. Onlarla son 5 gündə əlaqə itmişdi, sağ qalıb-qalmamaları ilə bağlı məlumat mövcud deyildi. "Report"un Şərqi Avropa bürosu Afaq Həmidova ilə bugün əlaqə yarada bilib. O qeyd edib ki, sağ-salamatdırlar, şəhəri tərk etmək üçün yaşıl dəhlizi gözləyirlər. “Mariupolda demək olar ki cəhənnəm yaşanır, bütün infrastruktur məhv edilib, şəhər blokadadır, artilleriya atəşi isə davam edir”, - A. Həmidova bildirib.