Türkiyədə Kənd Təsərrüfatı və Meşə Təsərrüfatı Nazirliyinin apardığı son yoxlamalar qida sektorunda ciddi pozuntuları üzə çıxarıb.
Medianews.az xəbər verir ki, nazirliyin yenilənmiş siyahısına əsasən, bal, zeytun yağı, pendir, ədviyyat, şirniyyat və ət məhsulları da daxil olmaqla bir çox qidada saxtakarlıq halları aşkarlanıb. Uyğunsuz məhsullar “sağlamlığa təhlükəli” və “saxta qidalar” kateqoriyaları üzrə ictimaiyyətə açıqlanıb.
Siyahıda ən diqqətçəkən fakt isə İzmirdə qeydə alınıb. Belə ki, bir müəssisədə pide içliyində at və eşşək əti istifadə edildiyi müəyyən olunub. Bu fakt sosial şəbəkələrdə ciddi rezonans doğurub.
Nazirlik yoxlamaların davam etdirildiyini və nəticələrin mütəmadi olaraq ictimaiyyətə təqdim olunacağını bildirib.
Medianews.az
