Suriyada Əsəd rejiminin çökməsindən sonra Sednaya həbsxanasından azad olunan məhbusların dedikləri və yayılan görüntülər burada tətbiq olunan sistemli işgəncələri bir daha üzə çıxarıb. Sednaya uzun illər siyasi dustaqların, o cümlədən qadın və uşaqların ən ağır zorakılıqlara məruz qaldığı yer kimi tanınırdı.
Aaşağıda məhbusların təsdiqlədiyi əsas işgəncə növləri yer alır.
Medianews.az Sednaya həbsxanasında tətbiq olunan işgəncə metodlarını təqdim edir:
1. Məhbusu döymək – Həbsə gətirilənlər silikon və metal çubuqlarla döyülürdü.
2. Soyuq su işgəncəsi – Çılpaq məhbuslara qəfil soyuq su püskürdür, xüsusilə qışda şok və donma halları yaşanırdı.
3. Suda boğma – Başın su dolu qaba salınması və uzun müddət tutulması, yaxud nəm bezlə boğma üsulu.
4. Elektroşok – Elektroşok vasitəsi ilə məhsubların bədəninə elektrik cərəyanı verilib. Şoklar əsasən qarın və cinsiyyət orqanlarına yönəldilirdi.
5. Metal şişlə yandırma – Qızdırılmış dəmir bədənə basılır, həmçinin siqaret və alışqanla yandırma halları.
6. Dəmir stulda elektrik – Məhbus metal stula oturdularaq bütün bədəninə elektrik verilir.
7. “Ruh” (asma) pozisiyası – Əl-ayaq hamısı, yaxud ayrıca əllər və ya ayaqlar bağlanır, məhbus dik, yaxud başı üstə tavandan asılır.
8. Yan ruh pozisiyası – Əllər arxadan tavana bərkidilmiş zəncirə bağlanır və yuxarıya doğru dartılır
9. Çökmə pozisiyası – Divara söykənmədən uzun müddət çökməyə məcbur edilmə; tabe olmayanlar döyülürdü.
10. Təkər işgəncəsi – Məhbus avtomobil təkərinə salınır , hər tərəfdən döyülür.
11. Çarmıx pozisyası– Məhbus taxta lövhələr arasında sıxılır, sonra döyülür.
12. Saçların qoparılması – Baş və bədəndəki tüklər əl və ya alətlərlə kökündən qoparılır.
13. Bədən hissələrinin kəsilməsi – Qulaq, barmaq və digər nahiyələrin kəsilməsi halları bildirilib.
14. İynə batırma – Üzə, dodaqlara, qulaqlara, ovuc və dabanlara iynə batırılması.
Bu açıqlamalar Sednayanın Suriya müharibəsinin ən ağır cinayət səhnələrindən biri olduğunu bir daha təsdiqləyir.
Medianews.az
