Türkiyədə məşhurlara qarşı aparılan genişmiqyaslı narkotik əməliyyatının yeni detalları məlum olub.
Medianews.az xəbər verir ki, saxlanılan məşhur şəxslərin evlərində aparılan axtarışlar zamanı müxtəlif maddi sübutların aşkarlandığı iddia edilir.
Türkiyə mediasının yaydığı məlumata görə, əməliyyat çərçivəsində bəzi məşhurların evlərindən narkotik maddə istifadəsinə aid olduğu deyilən vasitələr və şübhəli maddələr götürülüb.
Hadisə ölkə gündəmində böyük rezonans doğurarkən, sosial şəbəkələrdə də məsələ geniş müzakirə olunur. İstintaqın davam etdiyi və yeni saxlanılmaların ola biləcəyi bildirilir.
Qeyd edək ki, son günlər Türkiyə şou-biznesində tanınmış bir sıra simaların adı narkotik istintaqında hallanır.
Medianews.az
