"Kəpəz" klubu futbolçusu Cefferson Bentu barədə FIFA-ya müraciət edib.
Bu barədə Oxu.Az-a klubun mətbuat xidmətindən açıqlama verilib.
"Cefferson Bentu barədə FIFA-ya şikayət məktubu yollamışıq. Oyunçunun kluba qoşulmamasına görə kompensasiya tələb etmişik".
Xatırladaq ki, yeni il tətilində istirahət etmək üçün vətəninə gedən mərkəz müdafiəçisi kluba geri qayıtmaqdan imtina edib.
Qeyd edək ki, Cefferson Bentu cari mövsümün əvvəlində "Portimonense"dən icarə əsasında "Kəpəz"ə transfer olunub. Onun Gəncə təmsilçisi ilə müqaviləsi bu ilin yayında başa çatır.
