İran prezidenti Məsud Pezeşkian ABŞ prezidenti Donald Trampın Tehranı nüvə razılaşmasına nail olmağa məcbur etmək üçün məhdud hücumları nəzərdən keçirdiyini söyləməsindən sonra ABŞ-nin təzyiqinə təslim olmayacağına söz verib.
Pezeşkianın bu açıqlamalar Fars körfəzindəki yüksək gərginlik fonunda səslənib.
Məsud Pezeşkian İran Paralimpiya komandasının üzvlərinin şərəfinə keçirilən mərasimdə deyib:
"Biz bu çətinliklərin heç biri qarşısında əyilməyəcəyik. Dünya gücləri qorxaqlıq nümayiş etdirərək bizi başımızı əyməyə məcbur etmək üçün sıraya düzülüblər. Necə ki, siz çətinliklər qarşısında əyilmədiniz, biz də bu problemlər qarşısında əyilməyəcəyik".