Keçəl qartal bu ölkənin milli quşu OLDU

240 ildən artıqdır ki, ABŞ-nin qüdrətinin simvolu olan keçəl qartal rəsmi olaraq ölkənin milli quşuna çevrilib. Medianews.az “NTV”ə istinadən xəbər verir ki, ABŞ prezidenti Co Bayden Konqres tərəfindən ona göndərilən qanunu imzalayıb. Bayden uzun müddət diqqətdən kənarda qalan vəziyyəti düzəltmək üçün Birləşmiş Ştatların Məcəlləsinə dəyişiklik edib və ağ başı, sarı dimdiyi və qəhvəyi bədəni ilə çoxlarına tanış olan keçəl qartalı milli quş kimi təyin edib.

Keçəl qartal 1782-ci ildən dizaynın tamamlandığı vaxtdan rəsmi sənədlərdə istifadə edilən ABŞ-nin Böyük Möhürünün üzərində verilib.

Həmin il Konqres keçəl qartalı milli gerb kimi təyin edib və onun təsviri sənədlərdən tutmuş prezident bayrağına, hərbi nişanlara və ABŞ pul vahidinə qədər hər şeydə əks olunub.

Ancaq heç vaxt rəsmi olaraq çoxlarının sadəcə milli quş olduğunu düşündüyü kimi təyin edilməmişdir.

Keçəl qartalın vətəni Şimali Amerika olduğu bilinir.