“Fransa prezidenti Emmanuel Makron Yaxın Şərqdəki gərginliyi azaltmaq üçün “mən də varam” deməyə çalışır. O, bir tərəfdən İsrailin Livanı bombalamasını pisləyir, İsrailə silah satışını dayandıracağını bəyan edir, digər tərəfdən İsrailin baş naziri Benyamin Netanyahuya zəng edərək onun könlünü almağa çalışır. Makron Tel-Əvivin xoşuna gəlmək üçün “Hizbullah” İsrail ərazisinə raket zərbələrini dayandırmalıdır” açılamasını səsləndirir”.
Medianews.az xəbər verir ki, bu barədə politoloq Elxan Şahinoğlu bildirib.
O qeyd edib ki, E.Makronun bu davranışı Fransanın birinci baş naziri olmuş Şarl de Taleyranın hiyləgər xarici siyasətindən gələn ənənədir.
Politoloqun qənaətincə, Makron Livanın sözdə “qayğısına” ona görə qalmağa çalışır ki, bu ölkə Fransanın keçmiş koloniyasıdır: “Makron bununla demək istəyir ki, koloniyasındakı gərginlikdən narahatdır. Halbuki, “Hizbullah”-İsrail müharibəsi nəticəsində Livan və paytaxt Beyrut yerlə-yeksan olub, minlərlə insan həlak olub və Fransa heç nə edə bilmir. Makron eyni zamanda İsrailin əleyhdarı kimi də görünmək istəmir”.
E.Şahinoğlu deyib ki, Makronun iranlı həmkarı Məsud Pezeşkiana telefon zəngi eyni hiyləgər siyasətin tərkib hissəsidir: “Makron İranın bölgədəki gərginliyi azaltmaqla bağlı Pezeşkiana çağırışb edib. Makron bununla demək istəyib ki, Tehran İsrailə qarşı savaşan qrupları sakitləşdirsin. Buna cavab olaraq, Pezeşkian Makrona deyib ki, Fransa və digər Avropa dövlətləri İsraili genosidə son qoymağa məcbur etsinlər. “Bu sionistlər heç bir humanitar çərçivəyə və beynəlxalq qanunlara əhəmiyyət vermədiklərini göstərirlər və öz cinayətlərini həyata keçirirlər”, - deyən Pezeşkian Makrondan qəti addımlar tələb edib”.
Politoloq hesab edir ki, bu gərginliyə nə Makron, nə də Pezeşkian son qoya bilər. Onun sözlərinə görə, Makronun səlahiyyətləri Fransa, Pezeşkianın səlahiyyətləri isə iqamətgahı ilə məhdudlaşır.
Turan ORUC
Politoloqun qənaətincə, Makron Livanın sözdə “qayğısına” ona görə qalmağa çalışır ki, bu ölkə Fransanın keçmiş koloniyasıdır: “Makron bununla demək istəyir ki, koloniyasındakı gərginlikdən narahatdır. Halbuki, “Hizbullah”-İsrail müharibəsi nəticəsində Livan və paytaxt Beyrut yerlə-yeksan olub, minlərlə insan həlak olub və Fransa heç nə edə bilmir. Makron eyni zamanda İsrailin əleyhdarı kimi də görünmək istəmir”.
E.Şahinoğlu deyib ki, Makronun iranlı həmkarı Məsud Pezeşkiana telefon zəngi eyni hiyləgər siyasətin tərkib hissəsidir: “Makron İranın bölgədəki gərginliyi azaltmaqla bağlı Pezeşkiana çağırışb edib. Makron bununla demək istəyib ki, Tehran İsrailə qarşı savaşan qrupları sakitləşdirsin. Buna cavab olaraq, Pezeşkian Makrona deyib ki, Fransa və digər Avropa dövlətləri İsraili genosidə son qoymağa məcbur etsinlər. “Bu sionistlər heç bir humanitar çərçivəyə və beynəlxalq qanunlara əhəmiyyət vermədiklərini göstərirlər və öz cinayətlərini həyata keçirirlər”, - deyən Pezeşkian Makrondan qəti addımlar tələb edib”.
Politoloq hesab edir ki, bu gərginliyə nə Makron, nə də Pezeşkian son qoya bilər. Onun sözlərinə görə, Makronun səlahiyyətləri Fransa, Pezeşkianın səlahiyyətləri isə iqamətgahı ilə məhdudlaşır.
Turan ORUC