Media
Sergey Lavrov Bakıda dedikləri ilə ermənilərə elə bir od qoyub ki, soyadsonluqlarına uyğun şəkildə, yana-yana qalıblar. Gözləmirmişlər. Axı, Bakıdan öncə İrəvanda olarkən Lavrov onları xeyli ümidləndirmişdi, delimitasiy-demarkasiyadan danışarkən Fərrux kəndini də (?!-E.P.) mövzunun “gözü”nə qatmaqla.
Düzdür, bundan sonra Azərbaycanın kəskin etirazı Rusiya XİN-i davamlı şəkildə nazirin dediklərinə düzəlişlər etməyə, səhvi düzəltməyə çalışmağa vadar etmişdi. Lakin ermənilər yenə ümidliydilər ki, Sergey Lavrov onların dediklərinə təkrarlayacaq.
Olmadı. Xüsusilə də Azərbaycan Prezidentinin rus diplomatını qəbul etdiyi zaman münaqişənin bitdiyini elan etməsindən sonra Sergey Lavrov çox korrekt davrandı. Rusiya XİN rəhbərinin azərbaycanlı həmkarı Ceyhun Bayramovla görüşdən sonra jurnalistlərə “Bugünkü danışıqlarda prinsipcə, biz ATƏT-in Minsk qrupunu müzakirə etmədik. Çünki Minsk Qrupu öz fəaliyyətini dayandırıb”, deməsi ermənilərə od qoyub, tüstüləri təpələrindən çıxır. Düzdür, Lavrov Minsk Qrupunun fəaliyyətini ABŞ və Fransanın təşəbbüsü ilə dayandırdığını deyib. Əslində 30 illik fəaliyyətsiz fəaliyyətindən sonra onların bölgəyə yolunu qapadan Azərbaycan dövlətinin qətiyyəti oldu. Xatırlayırsınıza, 44 günlük müharibədən sonra Bakıda bircə dəfə göründülər, onda da dövlət başçımız bildirdi ki, həmsədrləri bura heç kim çağırmayıb,ş əgər yeni təklifləri olarsa, gələ bilərlər. Bu, əslində “burdan elə gedirsiniz, bir də izininiz-tozunuzu görmürəm”, xəbərdarlığı idi. Elə dünənədək ABŞ və Fransa rəsmiləri ATƏT-in Minsk Qrupu çərçivəsində “tənzimləmə”dən bəhs etmirdilərmi? Minsk Qrupunun onlar üçün “ölmədiyi”, hətta bu qurum çərçivəsində Rusiya ilə əməkdaşlığın mümkünlüyü haqda okeanın o tayından verilən açıqlamanın üstündən də çox keçməyib. “Həftə səkkiz, mən doqquz” İrəvandakı ABŞ, Rusiya və Fransa səfirlərinin Ermənistan hakimiyyəti ilə görüşündə Minsk Qrupu, “status” söhbətlərini etməsini də bura əlavə edək. Sadəcə, Azərbaycan dövləti, dövlət başçısının qətiyyəti “turist həmsədrlər”in ömrünə son verdi. Sonuncu dəfə dövlət başçısı Bakı Qlobal Forumunda “pensiyaçı həmsədrlər”lə bağlı sözünü dedi.
Azərbaycan Prezidenti münaqişənin bitdiyini dedikdən sonra Lavrova kursa uyğun davrandı və “biz postmünaqişə nizamlanması prosesini əlbəttə ki, müzakirə etdik. Bu yeni prosesin bazası Rusiya, Azərbaycan və Ermənistan liderlərinin üç üçtərəfli bəyanatıdır. 2020-ci ilin sentyabr, oktyabr aylarından sonra münaqişənin nizamlanması ilə bağlı həmin dövrə qədər işlənib hazırlanan sənədlər artıq necə deyərlər arxada qoyduq. Bu, obyektiv reallıqdır”, səylədi. Azərbaycanın diqtə etdiyi reallıqdır və Rusiya XİN başçısı da dilə gətirdi: münaqişə bitib, üçtərəfli razılaşmaya əməl olunmalıdır. Əməl etməyən kimdir- Ermənistan!
Yeri gəlmişkən, bu ilin aprelində Rusiya xarici işlər naziri Sergey Lavrov Qarabağ üzrə ATƏT-in Minsk Qrupunun taleyinin sual altına düşdüyünü demişdi. Özü də Ermənistanın xarici işlər naziri Ararat Mirzoyanla Moskvada keçirilən birgə mətbuat konfransında. Amma “höcət” Mirzoyan iddi etmişdi ki, beynəlxalq ictimaiyyət Dağlıq Qarabağ münaqişəsinin tənzimlənməsini məhz ATƏT-in Minsk Qrupu həmsədrliyi çərçivəsində görür. Yəni “it-motal” söhbəti. Bu açıqlamalardan sonra da Minsk Qrupunun fransalı həmsədri Ermənistana gedərək xarici işlər naziri ilə görüşmüşdü. Ardınca Anjey Kasprşik özünü İrəvana yetirmişdi. Amma nə faydası? Bitdi! Ölüb! Dalınca qara daş!
Politoloq Hrant Melik-Şahnazaryan özünün Teleqram kanalında Rusiyanın xarici işlər naziri Sergey Lavrovun Bakıda Azərbaycanın xarici işlər naziri Ceyhun Bayramovla danışıqlarının yekunlarına dair açıqlamalarına münasibət bildirib. Deyib ki, Lavrovun Bakıda verdiyi bəyanatların bir mühüm məqamı ictimaiyyətin diqqətindən kənarda qaldı. Sitat: “O, ATƏT-in Minsk Qrupunun fəaliyyətindən və inkişafından danışaraq bildirib ki, son məqsəd istisna olmaqla, bu hadisələr artıq öz aktuallığını itirib”. “Və son məqsəd Qarabağı əhatə edən rayonları azad etmək, Qarabağın özünün və əhalisinin həyatı ilə bağlı məsələləri həll etmək idi”, politoloq əlavə edib.
“Razılaşın ki, bu alçaq bir məqsəddir. Və sual yaranır ki, kim belə bir məqsədi güdürdü – ATƏT-in Minsk Qrupunun bütün həmsədr ölkələri və ya onların bəziləri, çünki bundan əvvəl biz vasitəçilərin bəyanatlarında belə bir məqsəd görməmişdik. Tam əksi – məqsəd məlum prinsiplər əsasında erməni və Azərbaycan tərəfləri üçün məqbul sülhün bərqərar olması idi. Mən yalnız bir şeyi əminliklə deyə bilərəm ki, Ermənistan belə bir məqsəd qoymayıb. Və bu aydındır”, Melik-Şahnazaryan ardınca iddia edib.
Bu fikirlərdən təkcə Lavrova qarşı deyil, həm də Rusiyaya qarşı nifrət notları hiss olunur. Eyni zamanda digər keçmiş həmsədr ölkələrə qarşı. Tarix boyunca xəyanət etməyə, satmağa öyrəncələri olan ermərnilər həmsədrləri də satmaq, onlara “Türk agenti”, “xain” damğası vurmağa hazır görünürlər. Erməni ekspert daha sonra deyib: “O da aydındır ki, gözümüzün qabağında yeni anti-erməni məqsədləri formalaşır və həyata keçirilir. Rəsmi İrəvan isə susur. Danışanda isə Bakının hazırladığı gündəliyin müddəalarını təsdiqləyir”.
Sonda dedikləri isə erməniçiliyin, erməni faşizminin, erməni kilsəsinin xəyallarının alt-üst olmasının, məğlubiyyətinin etirafıdır. “Lavrov ATƏT-in Minsk qrupunun “dəfn mərasimini” elan edib. Görək, Nikol və Ararat yas zalına hansı çələng göndərəcəklər”, – Hrant Melik-Şahnazaryan yazıb.
Tarix boyunca tökdüklərini yığırlar. Ömür boyu nifaq toxumu səpdilər, xəyanətlə, satqınlıqla nələrsə əldə etməyə çalışdılar. Bütün dünya tanıdı. İndi artıq ermənini tanımaq üçün Puşkinə istinad etməyə o qədər də zərurət yoxdur, özləri-özlərini ifşa etdilər. Bir az da belə davam etsələr, ağıllanmasalar, dəfn yerinə çələng göndərməyə Ermənistanda adam tapılmayacaq. Lavrov-Kələntərov da Azərbaycan tərəfə keçdi, hələ gec deyil: Qarabağdakı bir ovuc erməni başına çarə qılsın…
