Tanınmış komediya aktyoru Hasan Can Kayanın öz proqramında gənc qızın doğulduğu şəhər haqqında dediyi sözlər müzakirələrə səbəb olub və narazılıq yaradıb.
Medianews.az Musavat.com-a istinadən xəbər verir ki, Kaya bu dəfə verilişinə qatılan gənc bir qızla etdiyi dialoqla gündəmə gəlib.
Proqram zamanı mikrofona yaxınlaşan qızdan haralı olduğunu soruşan komediyaçı “Batman” cavabını eşidəndə təəccübünü gizlədə bilməyib. Bahar adlı qıza “Sən batmanlısan?” sualını verən Hasan Can Kaya daha sonra deyib:
“Canım, sən necə batmanlısan? Arxaya dön, səni görsünlər. Dostlar, o, batmanlıdır, amma həddindən artıq qərbli kimi görünür”.
Bu sözlər sosial şəbəkələrdə geniş müzakirəyə səbəb olub. Xüsusilə Batman şəhəri ilə bağlı sosial media səhifələrində komediyaçıya qarşı etirazlar səsləndirilib:
“Bu, böyük bir şəhər olan Batmana və batmanlılara qarşı təhqirdir”.