Müğənni Rüfət Axundov şəxsi həyatı, xüsusilə də övladları ilə bağlı mövzulara açıq danışmağı sevmədiyini bildirib.
O, “Qonaqcanlı” verilişində uşaqlarının başqa sənət yolunu seçməsini arzuladığını deyib.
Onun sözlərinə görə, oğlu Məhəmmədəlinin musiqi qabiliyyəti var, müğənni olmasını istəmir.
Axundov qızının da bu sahəyə yönəlməsinə qarşı çıxıb. Hazırda 11-ci sinifdə oxuyan qızı gələcəklə bağlı planlarını artıq müəyyənləşdirib. Sənətçinin sözlərinə görə, qızı dizayner olmaq istəyir və rəsm çəkməyə xüsusi maraq göstərir.
Müğənni əlavə edib ki, övladları barədə ictimaiyyət qarşısında danışmağa üstünlük vermir.