Artıq çəki və piylənmə yaddaş problemlərinə səbəb ola bilər.
Medianews.az xəbər verir ki, həkim Oksana Pivovarova bildirib ki, yağ toxumasının ifraz etdiyi maddələr qan vasitəsilə beyinə çataraq xroniki iltihab yarada bilər. Bu proses yaddaşın formalaşmasında mühüm rol oynayan hipokampusa zərər verir və neyronlar arasındakı əlaqələri zəiflədir.
Həkimin sözlərinə görə, piylənmə həmçinin insulin müqaviməti, hipertoniya, ateroskleroz və 2-ci tip diabet riskini artırır. Bu hallar beyin damarlarına ziyan vuraraq yaddaş və diqqət problemlərinə, hətta damar demensiyasına səbəb ola bilər.
Mütəxəssis əlavə edib ki, artıq çəki oksidləşdirici stressi gücləndirir və yuxu apnesi riskini artırır. Bu isə beynin oksigen çatışmazlığı yaşamasına və yaddaşın zəifləməsinə gətirib çıxara bilər.
Medianews.az