Son illərin ən populyar tropik meyvələrindən biri olan ananas zəngin tərkibi və insan sağlamlığına unikal faydaları ilə diqqət mərkəzindədir. Mütəxəssislərin bəslənmə rasionuna mütləq əlavə edilməsini tövsiyə etdiyi bu möcüzəvi meyvə, müntəzəm istehlak olunduqda orqanizmi bir çox ciddi xəstəliklərdən qoruyur.
Medianews.az xəbər verir ki, ananasın bədəndəki iltihabı (enflamasiya) tamamilə qurutmaq xüsusiyyəti var. Bu tropik meyvəni hər gün rasionuna daxil edənlər infeksiyalara və xroniki iltihabi proseslərə qarşı güclü müqavimət qazanırlar. Mütəxəssislər vurğulayırlar ki, onun tərkibindəki aktiv maddələr immun sistemini maksimum dərəcədə stimullaşdırır və xəstəliklərə yoluxma riskini minimuma endirir.
Çox zaman ananas yeyərkən dildə və ağız boşluğunda yaranan yüngül qıcıqlanma və ya "göynəmə" hissi bir çoxlarında narahatlıq yaradır. Lakin mütəxəssislər bu vəziyyətin tamamilə zərərsiz olduğunu açıqlayıblar.
Buna səbəb meyvənin tərkibindəki “bromelain” adlı fermentdir. Bromelayn ağız boşluğundakı protein toxumalarını müvəqqəti olaraq parçalamağa çalışır. Meyvənin təbii turşuluğu ilə birləşən bu ferment bəhs edilən yüngül qıcıqlanmaya yol açır. Ekspertlər bildirirlər ki, bu proses tamamilə təbiidir və meyvənin yeyilməsi başa çatdıqdan qısa müddət sonra ağızdakı narahatlıq öz-özünə tamamilə keçib gedir.
Bədəni toksinlərdən təmizləyən və iltihab əleyhinə effektiv mübarizə aparan ananas, gündəlik bəslənmə rutininin əvəzolunmaz hissəsinə çevrilməlidir. Həm həzm sistemini tənzimləyən, həm də bədənin ümumi tonusunu qaldıran bu tropik element, xəstəliklərdən qorunmağın ən dadlı və təbii yoludur./ Metbuat.az