Gündəlik piyada gəzinti ürək sağlamlığını qorumağın ən sadə və təsirli yollarından biridir.
Medianews.az xəbər verir ki, bu barədə amerikalı kardioloqlar Abid Hüseyn və Con Konte danışıb.
Gəzinti qan dövranını yaxşılaşdırır, qan təzyiqini normada saxlayır və ürək əzələsini möhkəmləndirir.
Daimi piyada hərəkət “yaxşı” xolesterini artırır, “pis” xolesterini azaldır və stress hormonlarını aşağı salır.
Amerika Ürək Assosiasiyası həftədə ən azı 150 dəqiqə orta intensivlikli aktivlik – yəni gündə təxminən 20 dəqiqə gəzinti tövsiyə edir.
Həkimlər vurğulayır ki, ardıcıllıq əsasdır: gündə 30 dəqiqəlik sürətli addımlarla gəzinti ideal hədəfdir.
Mütəxəssislərin sözlərinə görə, iki-üç həftə ərzində müntəzəm gəzinti yuxunu yaxşılaşdırır, enerjini artırır və ümumi sağlamlıqda nəzərəçarpan dəyişikliklər yaradır.
Medianews.az