Türkiyənin İzmir şəhərinin Tepecik məhəlləsində keçirilən Hıdırellez şənliklərində lentə alınan rəqs görüntüləri sosial mediada gündəm olub.
Medianews.az xəbər verir ki, izdihamın ortasında ağ geyimdə rəqs edən qadının görüntüləri tədbirdə iştirak edən şəxslər tərəfindən mobil telefon kameraları ilə qeydə alınıb.
Musiqi sədaları altında nümayiş etdirilən rəqs qısa müddətdə sosial şəbəkələrdə sürətlə yayılıb.
Görüntülər sosial media platformalarında geniş müzakirələrə səbəb olub. Bəzi istifadəçilər rəqs performansını əyləncəli və maraqlı hesab etsələr də, digərləri görüntüləri tənqid ediblər.
Qeyd edək ki, Hıdırellez şənlikləri Türkiyənin bir çox şəhərində yazın gəlişi münasibətilə keçirilir və rəngarəng görüntülərlə yadda qalır. Tepecik məhəlləsində keçirilən bu tədbirdən yayılan video isə sosial mediada ən çox danışılan paylaşımlardan birinə çevrilib.
Medianews.az