Bir neçə gün öncə Bakı Neyrocərrahiyyə Mərkəzində ağır beyin əməliyyatı keçirən, hər kəsin ANS telekanalından “Böyük Seva” kimi tanıdığı jurnalist Sevda Həsənova xəstəxanadan evə buraxılıb.
Respublika Neyrocərrahiyyə Xəstəxanasından Musavat.com-a bildirilib ki, 1970-ci il təvəllüdlü şəxsin (qadın) vəziyyəti qənaətbəxş qiymətləndirildiyindən o, 17.02.2026-cı il tarixində ambulator müalicə üçün evə buraxılıb:
“Qeyd edək ki, 1970-ci il təvəllüdlü şəxs (qadın) 02.02.2026-cı il tarixində 12:10 radələrində Respublika Neyrocərrahiyyə Xəstəxanasına hospitalizasiya olunub.
Zəruri instrumental-diaqnostik müayinələrdən sonra 06.02.2026-cı il tarixdə pasiyent üzərində sağtərəfli akustik nevrinomanın xaric edilməsi əməliyyatı icra olunub.
Baş-beyin neyrocərrahiyyəsi şöbəsində müalicəsi davam etdirilib”.
Xatırladaq ki, Sevda Həsənova 1994-cü ildən ANS-də çalışıb. O, ötən illər ərzində telekanalda bir sıra vəzifələrdə fəaliyyət göstərib.