Düzgün saxlanılan yemək sağlamlığa zərər vermir və soyuducuda dörd günədək qoruna bilər.
Medianews.az Foodinfo.az-a istinadla xəbər verir ki, bu barədə dietoloq Aleksandr Burlakov danışıb.
Mütəxəssis qeyd edib ki, “yalnız bir gün üçün yemək hazırlamaq lazımdır” fikri sadəcə mifdir. Tibbi və sanitar tövsiyələr əsasən saxlanma şərtlərinə aiddir, hər gün yeni yemək hazırlamağa məcbur etmir.
Soyuducuda +4 dərəcədən aşağı temperaturda saxlanılan qidalar 3–4 gün təhlükəsiz qalır. Klinik və epidemioloji məlumatlar göstərir ki, düzgün saxlanılan yemək iltihab, həzm problemləri və ya digər xəstəliklərə səbəb olmur.
Dietoloq vurğulayıb ki, əsas amillər qabların təmizliyi, konteynerlərin hava keçirməməsi və temperatur rejiminin qorunmasıdır. Bu şərtlər ödənildikdə, yenidən qızdırılmış yemək rasionun təhlükəsiz və tam dəyərli hissəsi ola bilər.