Mel Gibsonun dünyaşöhrətli “Apokalipsis” filmində canlandırdığı “Yaquar pəncəsi” (“Jaguar Paw”) obrazı ilə tanınan aktyor Rudi Yanqblad ABŞ-nin Texas ştatında polislər tərəfindən saxlanılıb.
Medianews.az TMZ portalına istinadla xəbər verir ki, 43 yaşlı aktyor narkotik vasitələrin saxlanması və ticarəti ittihamı ilə həbs edilib.
Hüquq-mühafizə orqanları tərəfindən aparılan axtarış zamanı aktyorun üzərində 1-4 qram miqdarında qadağan olunmuş maddə aşkar olunub.
Texas qanunvericiliyinə əsasən, bu miqdarda narkotik maddə saxlamaq ağır cinayət hesab olunur. Bu əməlinə görə aktyoru 2 ilə qədər həbs cəzası və ya 10 min dollar məbləğində cərimə gözləyir.
Qeyd edək ki, bu, Yanqbladın qanunla ilk problemi deyil. Belə ki, 2025-ci ilin oktyabr ayında o, məişət zorakılığı ittihamı ilə də həbs olunmuşdu. Aktyorun karyerası son illərdə çəkildiyi aşağı büdcəli filmlər və şəxsi həyatındakı qalmaqallarla gündəmə gəlir.
