Braziliya millisinin qapıçısı başından zədə alıb

Braziliya millisinin və İngiltərənin "Liverpul" klubunun qapıçısı Alisson Bekker başından zədə alıb. "Report" xəbər verir ki, 32 yaşlı qolkiper 2026-cı il dünya çempionatının seçmə mərhələsinin Kolumbiya ilə keçirilən oyununda (2:1) zədələnib. O, qarşılaşmanın 78-ci dəqiqəsində "Tottenhem"də çıxış edən Davinson Sançeslə toqquşub. Nəticədə "əlcək sahibi" meydanı tərk etmək məcburiyyətində qalıb. Alissonun zədəsinin nə dərəcədə ciddi olduğu aparılan müayinələrdən sonra bəlli olacaq.