Media
Sabiq türk generalı Yücel Karauz Azərbaycanı təbrik edib.
“Bu gün Azərbaycan və Türkiyə tarixi üçün xoş və müjdəli xəbər aldıq. Cənab Prezident, Ali Baş Komandan İlham Əliyevin Laçının Azərbaycana – ana vətənə qayıtması xəbərini verməsi çox uğurlu fəaliyyət olub. Bu münasibətlə Türk dünyası adından Cənab Prezident İlham Əliyevi təbrik edirəm!
10 noyabr kapitulyasiya aktından bu günədək Azərbaycanın yeritmiş olduğu uzaqgörən siyasət, həmçinin İlham Əliyevin beynəlxalq aləmdə balansı düzgün təmin etməsi nəticəsində heç bir mərmidən istifadə olunmaması Azərbaycanın növbəti uğurudur.
Azərbaycanın diplomatik, siyasi və müharibə cəbhəsində əldə etmiş olduğu zəfərin nəticəsi olaraq doğma torpaqlarına qayıtması çox vacib və tarixi faktdır. Laçın sadəcə torpaq parçası deyil, Laçın həm siyasi, həm də psixoloji olaraq çox mühüm məkandır. Laçının bu şəkildə Azərbaycana qayıtması həm Azərbaycan, həm də Türkiyə üçün mühüm hadisədir. Xüsusilə 26 avqust Türkiyə tarixində vacib gündür. Bu gün həm də türklərin Anadoluya girdiyi Malazgird Zəfərinin ildönümüdür. Qəhrəman və cəfakar Azərbaycan ordusunu və xalqını səmimi qəlbdən təbrik edirəm! Şəhidlərimizə Allahdan rəhmət diləyirəm!”
Aysel Şirinova
Medianews.az
