Ramil Nabran və Tofig Hajiyev yayın hitini təqdim edib. Yük maşınını yay əhvalında əyləncəyə, festivala çevirən ifaçılar hər kəsi təəccübləndirib.
Yayın növbəti yeni pozitiv mahnısı, klipi Tofig Hacıyev və Ramil Nabrandan gəlib. İfaçılar “Dünyanın Mərkəzi” adlanan bu mahnının yayın ən sevilənlərindən olacağına inanırlar. İyulun 16-sı təqdim olunan klipin rejissoru Orxan Süleymanlıdır. Mahnının aranjmanı isə Zaur Aliyə aiddir.
Tofig Hajiyev açıqlamasında bu aralar ifaçıların bahalı, maraqlı klip təqdim etməyə can atdıqlarını bildirib: “Lakin qalib bəlli olan yerdə yarış olmur. Əminəm ki, izləyicilər bu klipi və mahnını çox bəyənəcək. Ramillə dostluğumuz uzun sürsə də hər zaman ikimizə uyğun, bizi birləşdirəcək, maraqlı mahnını istəyirdik ki, duet edək. Və nəhayət o an gəldi!”.
Ramil Nabran isə açıqlamasında qeyd etdi ki, dünyanın mərkəzi onun ətrafında fırlanır: “Biz harda dayansaq bizə görə dünyanın mərkəzi məhz oradı. Amma mənə görə mənim qəlbimdə olan həyat yoldaşım elə mənim dünyamın mərkəzidir-qalanlarını isə boş vermişəm”.