Media
Səhhətindəki problemlərə görə istefa verə biləcəyi ilə gündəmə gələn Papa Fransisk yayılan söz-söhbətlərlə bağlı Reuters-ə açıqlama verib.
Medianews.az xəbər verir ki, tezliklə istefa verəcəyi ilə bağlı iddiaları rədd edən Papa bu ay Afrika və Kanadaya səfər edəcəyini, daha sonra Moskva və Kiyevə gedəcəyini ümid etdiyini bildirib. Xərçəng xəstəliyinə tutulması ilə bağlı iddiaları da təkzib edən Papa “həkimlərim mənə bu barədə heç nə demədi” deyə zarafat edib.
85 yaşlı Papa Fransisk səhhəti pisləşərsə, bir gün istefa verə biləcəyini ifadə edərək, “bilmirəm. Bunu ancaq Allah bilir”, – deyə bildirib.
Qeyd edək ki, Papa Fransisk 2013-cü ildə sələfi XVI Benediktin istefasından sonra seçilib. Celestine 5 və Benedict 16 istisna olmaqla, papalar ölənə qədər əsrlər boyu vəzifədə olublar.
Leyla, Medianews.az
