NATO Zirvə toplantıları öncəsi mətbuata açıqlama verən NATO-nun baş katibi Yens Stoltenberq Finlandiya, Türkiyə və İsveç arasında razılaşmanın vacib olduğunu ifadə edərək, “bu, Finlandiya və İsveçin Türkiyə ilə daha da yaxından əməkdaşlıq edəcəyini açıq şəkildə ifadə edir” deyə bildirib.
Medianews.az xəbər verir ki, Finlandiya və İsveçin artıq terrorla mübarizə çərçivəsində qanun layihələri hazırladığını ifadə edən Stoltenberq, “Finlandiya və İsveç artıq terrorla bağlı qanunlarını sərtləşdirmək üçün addımlar atıb. Yəni bu həyata keçirilməyə başlanmış bir şeydir. Düşünürəm ki, bu saziş son dərəcə vacibdir, çünki o, bizim bütün təhlükəsizlik problemlərimizi, o cümlədən terrorizmlə mübarizəni həll etmək üçün müttəfiq kimi birlikdə olmaq öhdəliyini əks etdirir. Bu, açıq şəkildə göstərir ki, Finlandiya və İsveç Türkiyə ilə informasiya mübadiləsi, ekstradisiya və terrorla ümumi mübarizə ilə bağlı məsələlərdə daha da sıx əməkdaşlıq edəcəklər”,-deyə bildirib.
Leyla, Medianews.az