Media
İsveçrədə ayda təxminən 6 min manata işləmək imkanı ilə bağlı məlumatlar yayılıb.
Medianews.az xəbər verir ki, dünyanın ən zəngin ölkələrindən biri olan İsveçrə 85 min işçi axtarır.
Xaricdə iş imkanları həmişə cəlbedici olub. Son zamanlar, xüsusən də məzənnə artımının təsiri ilə xaricdə işləmək imkanları daha da maraqlı olub. Hər ölkədə olduğu kimi ölkəmizdən də lazımi şərtləri ödəyənlər İsveçrədə işləyə biləcəklər.
Bəs, hansı sektorlar üçün seçimlər aparılır? Kim gedə bilər? İsveçrəyə necə getmək olar?
Bu sulların cavabını sizlərə təqdim edirik:
İsveçrə ixtisaslı kadr tapmaqda çətinlik çəkir. Bu səbəbdən müxtəlif ölkələrdən 85 min işçi işə götürüləcək. Turizm və otel idarəçiliyi, texniki işçilər, kompüter mütəxəssisi və mühəndislər kimi müxtəlif vəzifələrə, xüsusilə səhiyyə sektorunda işə qəbulun aparılacağı açıqlanıb.
Həkim çatışmazlığı baxımından çətinlik çəkdiyi öyrənilən İsveçrə, yaşlıların baxımı və xəstəxanalarda işləmək üçün tibb bacılarını da işə götürəcək.
Hakimiyyət Rusiya və Ukrayna ilə müharibədən qaçıb bura sığınanların bu boşluğu doldura bilməyəcəklərini bildirir. Bu halda, İsveçrədə hazırda 85 min ixtisaslı işçi çatışmazlığı var. İlin sonunda bu rəqəm 365 min nəfərə qədər arta bilər.
Xaricdə işləmək istəyənlər həmin ölkəyə necə gedəcəklərini axtarırlar. İsveçrə getmək üçün “DynaJobs” və ya “Adecco” kimi məşğulluq agentliklərinə müraciət edərək siyahılarda özünüzə uyğun işi tapmalısınız.
Dəvət almaq üçün sizə aşağıdakılar lazımdır:
1 Müəyyən səviyyədə dil biliyi.
2 İsveçrədə dövlət yardımı və sosial yardım olmadan yaşaya biləcəyinizi sübut etməlisiniz.
3 Yaşamaq üçün ev tapmaq.
İsveçrə dünyanın ən zəngin ölkələri sırasındadır. Əldə edilən məlumata görə, 2020-ci ildə keçirilən referendumdan sonra İsveçrədə minimum əmək haqqı saatda 23 İsveçrə frankı, ayda isə 4 min İsveçrə frankı yüksəlib. Bu, saatlıq təxminən 35 manat, aylıq isə 6 min manat maaş deməkdir.
Medianews.az
