23 yaşlı Aleksandra Kinova hospitala müayinəyə gedəndə ona demişdilər ki, əkiz anası olacaq. Hamilə Aleksandra da çox sevinmişdi
Lakin aprel ayında keçirilmiş təkrar ultrasəs müayinəsində bəlli olub ki, Aleksandranın bətnində 2 yox, 5 uşaq var.
Milli.Az Mail Online-a istinadən bildirir ki, Çexiyanın paytaxtı Praqada klinikalardan birində Aleksandra bazar günü ana olacaq.
Həkimlərin dediklərinə görə, qeysəriyyə kəsimi əməliyyatı qaçılmazdır.
Beləcə, Çexiyada ilk dəfə bir gündə bir qadın 5 uşaq anası olacaq.
Praqadan 30 km şərqdəki Milovitska şəhərində yaşayan, bir övlad anası olan Kinovanın dediyinə görə, 5 övladını səbirsizliklə gözləyir.