Türkiyənin Samsun vilayətinin İlkadım rayonunda Azərbaycan vətəndaşı olan 63 yaşlı S.Qədirova (şərti) polis tərəfindən saxlanılıb.
Xəstə baxıcısı olan S.Qədirova 88 yaşlı qadını döyməkdə ittiham edilir.
Belə ki, Parkinson xəstəliyindən əziyyət çəkən ahıl qadının yaxınları onun sifətində xəsarətləri görərək Samsun Prokurorluğuna müraciət ediblər.
Polis tərəfindən saxlanılan xəstə baxıcısı barəsində qəsdən yaralama əməlinə görə araşdırmalara başlanılıb və o saxlanılıb. Samsun Məhkəməsinə göndərilən azərbaycanlı qadın barəsində polisin nəzarəti altına verilmə qərarı çıxarılıb və o, sərbəst buraxılıb. Bununla yanaşı, 63 yaşlı S.Qədirovanın Türkiyəni tərk etməsi yasaqlanıb. Onun üzərinə hər həftə polis şöbəsinə gedərək iltizam yazmaq vəzifəsi də qoyulub./qafqazinfo.az/
