Azərbaycanda və dünyada gənclər arasında rəqəmsal məkanın ən güclü platformalarından biri olan TikTok-da “trend” olmaq arzusu günü-gündən artır. Bu arzu bəzən normal yaradıcı məzmuna çevrilir, bəzən isə riskli davranışlara yol açır.
Medianews.az xəbər verir ki, ekspertlər bildirilər ki, trend olmaq üçün edilən hər addım yalnız izləyici sayını artırmır, həm də şəxsi, sosial və hüquqi riskləri də gündəmə gətirir.
Trend yaratmaq istəyənlər bəzən öz sərhədlərini aşırlar. Təhlükəli çağırışlara qoşulmaq, şəxsi məlumatları açıq paylaşmaq və fiziki riskə düşmək gənclər arasında geniş yayılır. Nəticədə, qısa müddətli məşhurluq onların mental və fiziki sağlamlığını təhlükəyə atır.
Məsələnin əsas aspektlərini təqdim edirik:
1. Bir çox trend videolar fiziki risklərə yol açır - sürətlə hərəkət edən avtomobillərə yaxın keçmək, hündür yerdən tullamaq, zərərli obyektlərlə oynamaq kimi davranışlar ciddi xəsarətlərə səbəb ola bilər.
2. Günbəgün izləyici və bəyənmə sayı ilə özünü dəyərləndirmə, bəyənilməmə qorxusu, neqativ rəy təzyiqi depressiya və özünə inam problemlərinə gətirib çıxara bilər.
3. Hədəf kütləni genişləndirmək üçün şəxsi həyatın detalları - yaşadığı ünvan, məktəb, ailə üzvləri haqqında məlumatlar açıq şəkildə paylaşılır. Buna görə şəxsi təhlükəsizlik riskləri yaranır.
4. Bəzi videolarda müəllif hüququ pozuntuları, təhqir, nifrət nitqi və digər hüquqazidd məzmunlar da trend üçün istifadə edilə bilər ki, bu da hüquqi məsuliyyətə səbəb olur.
5. Bir çox gənc trend olmaq üçün öz bəyəndiyi dəyərlərdən uzaqlaşaraq kütləyə uyğun davranmağa çalışır. Bu isə zamanla təhlükəli hala çevrilə bilər.