Tailandda yol kənarında 3-5 yaş arası bir qıza aid olduğu güman edilən meyiti tapılıb.
Medianews.az xəbər verir ki, hadisə fevralın 23-də Saraburi əyalətində baş verib.
48 yaşlı bir kişi motosikletlə evə gedərkən yol kənarında kuklaya bənzər bir cisim görüb. Yaxınlaşanda isə kəskin qoxu hiss edib və bir qolu olmayan uşağa aid olduğu ehtimal edilən qalıqlarla qarşılaşıb. Qalıqlar cizgi filmi təsvirləri olan bir yorğanla örtülmüşdü.
Polis hadisə yerinə gəlib və qalıqların ən azı 5-6 gündür ərazidə qaldığını müəyyən edib. Ərazidə ev olmadığı və itkin düşmə ilə bağlı müraciət edilmədiyi bildirilib.
Qalıqlar məhkəmə-tibbi ekspertizaya göndərilib və polis ətrafdakı müşahidə kameralarının görüntülərini araşdırır.
Medianews.az