ABŞ-də qadın yanacaqdoldurma məntəqəsində lotereya bileti alıb və 1 milyon dollar qazanıb.
Medianews.az xəbər verir ki, hadisə Ohayo ştatının Uodsvort şəhərində baş verib.
Qadın ilkin olaraq hansı bileti seçəcəyinə qərar verə bilməyib. Satıcı ona 30 dollarlıq bileti təklif edib. Tərəddüdündən sonra qadın satıcının tövsiyəsinə etibar edib və bileti seçib. Nəticədə o, böyük mükafatı qazandığını öyrənib.
Amerikalının mükafatı ya 25 il ərzində illik 40.000 dollar, ya da bir dəfəlik 500.000 dollar almağı seçə bilərdi. O, ikinci variantı seçib. Qadın pulu bir-iki maşın almağa və qalanını qənaət etməyə planlaşdırır.
Medianews.az