Andrea Pirlo İtaliya millisinin baş məşqçisi vəzifəsinə əsas namizədlərdən biridir.
Medianews.az xəbər verir ki, bu barədə “La Gazzetta dello Sport” nəşri məlumat yayıb.
Mənbənin iddiasına görə, İtaliya Futbol Federasiyasının yeni texniki direktoru Paolo Maldini və onun müşaviri Leonardo 47 yaşlı mütəxəssisi yığmaya rəhbərlik etmək üçün prioritet variant hesab edirlər.
Bildirilir ki, federasiya rəhbərliyi Pirlonun 2030-cu il dünya çempionatı ərəfəsində İtaliya millisini yenidən futbolun aparıcı qüvvələrindən birinə çevirmək üçün lazım olan keyfiyyətlərə malik olduğuna inanır.
İtaliya millisinin baş məşqçi vəzifəsinə namizədlər arasında Xosep Qvardiola, Antonio Konte və Roberto Mançini də yer alır. Gözlənilir ki, həftənin sonuna qədər federasiyanın yeni rəhbərliyi yekun qərarını verərək tövsiyəni İFF prezidenti Covanni Malaqoya təqdim edəcək.
Qeyd edək ki, Pirlo 2025-ci ilin yayından “Dubay Yunayted”ə rəhbərlik edir. O, daha əvvəl “Yuventus”, “Fatih Karagümrük” və “Sampdoriya”da da çalışıb./Qol.az