ABŞ-nin Corciya ştatında keçmiş gözəllik kraliçası sevgilisinin oğlunu qətlə yetirdiyi üçün həbs edilib.
Medianews.az xəbər verir ki, 20 yaşlı Trinity Madison Pogue ömürlük həbs cəzasına məhkum edilib.
O, minimum 30 il xidmət etdikdən sonra şərti azadlığa çıxa biləcək.
Pogue 2024-cü ilin yanvarında sevgilisi Culian Uilyamsın oğlunu öldürməkdə təqsirli bilinib. Uşaq cəmi 18 aylıq idi. Pogue onu yataqxana otağında döyərək öldürüb. Beyin və qaraciyəri zədələnən uşaq xəstəxanaya çatdırılıb. Yaraları o qədər ağır olub ki, onu xilas etmək mümkün olmayıb.
Əvvəlcə onun vəkilləri oğlanın sadəcə divandan yıxıldığını iddia ediblər. Lakin münsiflər heyəti bu nəzəriyyəni qəbul etməyib. Prokurorların sözlərinə görə, qadın sevgilisi ilə evlənmək istəyib, lakin başqasının uşağına ögey ana olmaq istəməyib. Bu səbəbdən də ondan qurtulmaq qərarına gəlib.
Cinayətdən əvvəl Pogue müxtəlif gözəllik müsabiqələrində yarışıb. 2023-cü ildə Donalsonvillin ən gözəl qızı seçilib.
Medianews.az
