Ağır çəkidə keçmiş dünya çempionu Entoni Coşua (28-4, 25 nokaut) boksçu və blogger Ceyk Pol (12-1, 7 nokaut) ilə qarşıdakı döyüşü haqda danışıb.
Medianews.az Publika.az-a istinadən xəbər verir ki, Coşua rinqdə emosiyalarına hakim ola bilməyəcəyini deyib.
Britaniyalı idmançının sözlərini “BoxingScene” sitat gətirib.
“Özümə baxanda deyə bilərəm ki, yaxşı ailədə böyümüş çox hörmətli bir oğlanam. Amma onu öldürə bilsəm, öldürəcəyəm. Mən beləyəm və etdiyim iş budur”, – deyə Coşua bildirib.
