Elşad Xose həbsdən çıxdıqdan sonra ilk dəfə video paylaşıb.
"Yeni Sabah" xəbər verir ki, küçədə söyüş söydüyü üçün 15 sutkalıq azadlıqdan məhrum edilən Elşad Xose bildirib:
“Heç vaxt söyüş söyməyin tərəfdarı olmamışam. Adi həyatda müəyyən vaxtlarda söyüş söyən olmuşam. Onun da rejimləri var: intiligent, xuliqan, müəyyən rejismlər. Həmişə söyüşün əleyhinə olmuşam. Burada da söz birləşməsindən istifadə etməyim söyüşdən sui-istifadə deyil. Ünvansız və hayqırtı olaraq fikrimi bildirmişəm”.
Xatırlatma: 47 yaşlı sənətçi bir neçə gün əvvəl Yasamal rayonunda xuliqanlıq hərəkətlərinə görə saxlanılmışdı. Yasamal məhkəməsi ona 15 sutkalıq həbs vermişdi.
Reper qərardan apellyasiya şikayəti verərək tanınmış şəxs olduğunu və xəstəlikdən müalicə olunduğunu bildirərək sərbəst buraxılmasını tələb etmişdi. Lakin Apellyasiya Məhkəməsi 15 sutkalıq həbs qərarını qüvvədə saxlamışdı.
