Azərbaycanda ötən il 48 546 nikah və 20 675 boşanma qeydə alınıb.Statistikaya görə, il ərzində orta hesabla hər gün 57 ailə boşanıb.
Medianews.az bildirir ki, beynəlxalq mütəxəssislər bu tendensiyanı belə qiymətləndirir. Amerikalı sosioloq Andrew Cherlin bildirir ki, müasir cəmiyyətlərdə boşanma hallarının artması qadınların iqtisadi müstəqilliyi, erkən nikahlar və sosial şəbəkələrin münasibətlərə təsiri kimi amillərlə bağlıdır. Britaniyalı ailə terapevti Susan Quilliam isə qeyd edir ki, müasir dövrdə cütlüklər emosional uyğunluğu daha önəmli hesab edir və fərdi xoşbəxtlik nikahın qorunmasında əsas rol oynayır.
Azərbaycanda boşanmanın əsas səbəbləri kimi maddi çətinliklər, ailədaxili münaqişələr, erkən nikahlar, uzunmüddətli ayrı yaşama və psixoloji hazırlığın zəifliyi göstərilir. Sosioloqlar hesab edirlər ki, maarifləndirmə, nikahdan əvvəl psixoloji konsultasiya və sosial dəstək mexanizmləri boşanmaların qarşısını almaqda vacibdir.