"Avroviziya" qalibi Nigar Camal məşhur meyxanaçı Pərviz Bülbülə ilə uzaq qohumluq əlaqələrinin olduğunu açıqlayıb. Sənətçi qohumluq münasibətlərinin ailələr arasındakı izdivac vasitəsilə yarandığını bildirib. O həmçinin həmkarı ilə yaradıcılıq iş birliyinə də müsbət yanaşdığını gizlətməyib.
Medianews.az milli.az-a istinadla xəbər verir ki, müğənni bu yaxınlığın təfərrüatlarını bölüşərək "Onun qohumu bizim uzaq qohumla evlənib. Səhv etmirəmsə, uzaqdan qohum sayılırıq" deyə vurğulayıb. Nigar Camal eyni zamanda meyxanaçıdan gələ biləcək iş təkliflərinə də açıq olduğunu qeyd edib. O "Pərvizdən duet təklifi gələrsə, qəbul edərəm, niyə də yox?" sözləri ilə pərəstişkarlarının marağına səbəb olub.
Bu etiraf sosial şəbəkələrdə geniş müzakirə mövzusuna çevrilib.