Qırtlaq xərçənginin əlamətləri

"Uzun müddətli səsdəki xırıltı bir çox xəstəliklərlə, məsələn, mədə qıcqırması və ya səs tellərində xoşxassəli düyünlərin əmələ gəlməsi ilə inkişaf edir, lakin bu, qırtlaq xərçənginin də əlaməti ola bilər” Medianews.az Lenta.ru-ya istinadən xəbər verir ki, bunu terapevt və anestezioloq Mark Porter deyib. Həkimin sözlərinə görə, boğaz narahatlığı, səbəbsiz qulaq ağrısı, əsassız öskürək və udma problemləri qırtlaq xərçəngini göstərə bilər. “Virus və iltihablı xəstəliklər adətən iki-üç həftə ərzində öz həllini tapır. Bundan əlavə, daha az ciddi səbəblərdən yaranan səs boğuqları görünə və yox ola bilər, xərçəng səbəbiylə xırıltı səs isə qalıcıdır. Ona görə də bir neçə həftədən sonra problemlər qalacaqsa, bu, müayinəyə başlamaq üçün əsasdır”, – Porter xəbərdarlıq edib. Terapevt siqaret çəkənlərin və spirtli içkilərdən sui-istifadə edənlərin qırtlaq xərçənginə tutulma riskinin artdığına diqqət çəkib. O əlavə edib ki, insan papillomavirusu da bu növ xərçəngin inkişaf riskini artırır. Porter əlavə edib ki, daim boğuq və ya zəif səs də ağciyər xərçənginin ilk əlamətlərindən biri ola bilər, çünki qırtlaqdakı sinirlərdən biri ağciyərlərdəki şişlərdən təsirlənə bilər.