Müəyyən qidaların qəbulu botulizmə səbəb ola bilər. Bu xəstəlik bir neçə yüz rusiyalının təhlükəli lobyadan hazırlanmış salatdan zəhərlənməsindən sonra məşhurlaşıb.
Medianews.az “Moskovskiy Komsomoleç”ə istinadla xəbər verir ki, “championat.com” hansı məhsullarda xəstəliyə səbəb olan botulinum toksininin ola biləcəyini müəyyən edib.
Nəşr həkimə istinadən yazıb ki, normal şəraitdə bu toksin bir ilə qədər davam edə bilər, konservləşdirilmiş qidalarda isə illərlə qala bilər. Misal üçün, düzgün hazırlanmamış konservləşdirilmiş tərəvəz və meyvələr yeyirsinizsə, botulizmə yoluxa bilərsiniz. Tələb olunan temperatur şəraitinin həmişə saxlanmadığı evdə “bükmələr” hazırlanırsa, risklər artır.
Botulinum toksini ola bilən daha iki növ məhsul ət və balıq delikatesləridir. Bunlara qurudulmuş və hisə verilmiş ət məhsulları, hisə verilmiş və duzlu balıq daxildir.
Xəstəliyə səbəb ola biləcək başqa bir aşkar olmayan məhsul baldır. Bunun xüsusilə körpələr üçün təhlükəli olduğu deyilir, çünki onların inkişaf etməmiş həzm sistemi bakteriya sporlarını zərərsizləşdirə bilmir.
Botulizmin ən çox yayılmış mənbəyi konservləşdirilmiş göbələklərdir. Onlar səhv hazırlanırsa, bakteriya inkişafı üçün əlverişli bir mühit yarana bilər. Çox vaxt zəhərlənmə evdə hazırlanmış konservləşdirilmiş göbələklər səbəbindən baş verir.
Kamilə ORUCOVA
