Media
Ümumdünya Səhiyyə Təşkilatının ( ÜST ) baş direktoru Tedros Adhanom Qebreyesus, “Covid-19″a yoluxanların 100-dən çox ölkədə artdığına diqqət çəkib.
Medianews.az xəbər verir ki, Qebreyesus açıqlamasında “Covid-19”un alt variantları olan BA.4 və BA.5-in 110 ölkədə yoluxma hallarının artmasına səbəb olduğunu ifadə edərək, “110 ölkədə hallar artır və ümumi qlobal halların artmasına səbəb olur. ÜST-ün altı regionundan üçündə ölüm halları artıb” ,-deyə bildirilib.
Covid-19 epidemiyasının hələ bitmədiyinə işarə edən Qebreyesus, “epidemiya dəyişir, amma bitməyib. Biz irəliləyiş əldə etmişik, amma hələ bitməyib. Hesabat və genomik ardıcıllıqlar azaldıqca, virusu izləmək qabiliyyətimiz təhlükə altındadır, yəni Omicronu izləmək və gələcəkdə yaranan variantları təhlil etmək çətinləşir.
Son 18 ayda dünya üzrə 12 milyarddan çox peyvənd paylanıb. Dünya səhiyyə işçilərinin 75%-i və yaşı 60-dan yuxarı olanlar peyvənd olunur. Peyvəndlər sayəsində 20 milyon insanın həyatının xilas edildiyi təxmin edilir “,- deyə qeyd edib
Yalnız 58 ölkənin 70 faizlik peyvənd hədəfinə çatdığını bildirən Qebreyesus, aşağı gəlirli ölkələrin buna nail olmasının mümkün olmadığını bildirib.
Leyla, Medianews.az
