Boston faciəsində “qafqaz izlərinin” tapılması təsadüf deyil
Rusiyalı siyasətçi və ictimai xadim Maksim Şevçenko Boston faciəsində ABŞ-ın Azərbaycanla bağlı planlarının “izlərindən” danışıb. “Qafqazinfo”nun məlumatına görə, politoloq Boston faciəsində “qafqaz izlərinin” tapılmasının heç də təsadüf olmadığını bildirib:
“Axı istənilən yəmənli, Səudiyyə Ərəbistanından olan birini, “Əl Qaidə”ni göstərmək olardı. Lakin Qafqaz radikalları seçildi. Amerikalılar bilmirlər Dağıstan haradır, lakin onlar görünür Çeçenistanın nə olduğunu bilirlər”.
Onun sözlərinə görə, gələn il Əfqanıstandan NATO qoşunlarının çıxarılmasına başlanacaq və qoşunlar Azərbaycandan keçəcək. Bu terror isə ABŞ-a imkan verəcək ki, burada əhəmiyyətli dərəcədə qoşun saxlasın: “Xüsusilə də radarı saxlayıb-saxlamamaqla bağlı ətrafında bu qədər müzakirələr gedən Azərbaycanın şimalında yerləşən Qəbələ stansiyası, keçmiş sovet hərbi bazasında. İki il əvvəl orada hərbi-nəqliyyat təyyarələrini qəbul edə biləcək böyük, müasir aerodrom inşa edildi. Mən əminəm ki, bu Qafqaz izinin sığınacağı altında onlar Azərbaycanda, Qafqazda öz döyüş bölmələrini yerləşdirmək üçün qanuni siyasi imkan əldə edəcəklər və onu "anti-terror bölməsi" adlandıracaqlar. Hesab edirəm ki, bu Rusiyanın maraqlarına birbaşa zərbədir”.