Ukrayna Prezident Administrasiyasının keçmiş rəhbəri Andrey Yermak istefa verdikdən bir neçə saat sonra ön cəbhəyə getdiyini bəyan edib.
“Qafqazinfo” xəbər verir ki, bu barədə “New York Post” nəşri məlumat yayıb.
“Mən cəbhəyə gedirəm və hər cür repressiyalara hazıram. Dürüst və vicdanlı insanam”, - o yazıb.
Bununla belə, Prezident Administrasiyasının keçmiş rəhbəri Rusiya ilə müharibənin ön cəbhəsinə necə və nə zaman getmək niyyətində olduğunu açıqlamayıb: “Məni rüsvay etdilər və 24 fevral 2022-ci ildən Kiyevdə olmağıma baxmayaraq, ləyaqətimi qorumadılar. Buna görə də Zelenskiyə problem yaratmaq istəmirəm - cəbhəyə gedirəm. Ukraynaya xidmət etdim, bəlkə, yenə də görüşəcəyik”.
Yermak ona qarşı olan çirkinlikdən hiddələndiyini, həqiqəti bilənlərin dəstəyinin olmamasını isə daha böyük nifrət doğurduğunu qeyd edib.
Qeyd edək ki, Ukraynanın Milli Korrupsiyaya Qarşı Mübarizə Bürosu (NABU) və Xüsusiləşdirilmiş Antikorrupsiya Prokurorluğu (SAP) ötən gün Andrey Yermakın evində axtarış aparıb.
Xatırladaq ki, o, 2020-ci ilin fevralından sözügedən vəzifədə çalışırdı.
