Medianews.az vizasız səfər meyarına əsaslanan pasport reytinqinə nəzər salıb.
Yaşayış yeri planlaşdırılması üzrə ixtisaslaşan “Henley & Partners” beynəlxalq şirkətinin tərtib etdiyi indeksə görə, ilk sırada qərarlaşan Sinqapur pasportu 193 ölkəyə vizasız giriş imkanı verir.
Estoniya pasportu 184, Latviya pasportu 183, Litva pasportu 182 ölkədə vizasız işləyir.
Ukrayna pasportu ilə 144, Gürcüstan pasportu ilə 123, Moldova pasportu ilə 121, Rusiya pasportu ilə 114, Türkiyə pasportu ilə 112 ölkəyə vizasız səfər eləmək olar.
Belarus pasportuna 80, Qazaxıstan pasportuna 79, Azərbaycan pasportuna 71, Ermənistan pasportuna 67, Qırğızıstan və Özbəkistan pasportlarına 62, Tacikistan pasportuna 55, Türkmənistan pasportuna 48, İran pasportuna 41 ölkədə yaşıl işıq var.
