“Real Madrid”də müdafiə xətti ciddi şəkildə zəifləyib. Xabi Alonsonun komandası mövsümün əvvəlindəki etibarlı görüntüsünü itirərək son üç qarşılaşmada rəqiblərə rekord sayda qol epizodu verib.
Medianews.az "Haber Global"a istinadla xəbər verir ki, komanda Liverpool, Rayo Vallecano və Elçe ilə oynadığı son üç matçda qapısına cəmi 45 zərbə buraxıb.
Bu oyunlardan birində məğlubiyyət, ikisində isə heç-heçə qeydə alınıb. Madridin əvvəlki matçlarda rəqiblərə verdiyi şut ortalaması 9,7 olduğu halda, bu üç oyunda göstərici 15-ə yüksəlib.
Qapını dəqiq nişanlayan zərbələrin sayı da ikiqat artıb. Mövsümün əvvəlində Madrid matç başına orta hesabla 3,2 dəqiq zərbə imkanı verirdisə, son üç oyunda bu rəqəm 5,7-yə qalxıb. Bu durum qapıçı Kurtuanın üzərinə düşən yükü xeyli artırıb.
“Elçe” matçında Xabi Alonso heyətdə rotasiya edərək fərqli düzülüş izlenimi yaratdı. Lakin komanda yenə 4-2-3-1 sistemində oynadı və yeni mövqelər üzrə sınaqlar müdafiədə sabitlik gətirmədi. Fran Qarsiyanın sol açıqdakı qeyri-adi rolu da gözlənilən effekti vermədi.
“Real Madrid”in müdafiə xəttində boşluqların artmasına ardıcıl zədələr də təsir göstərib:
- Militao və Rüdiqerin yoxluğu
- Alabanın təkrarlanan əzələ problemləri
- Karvaxalın uzunmüddətli zədəsi
- Huijsenin tam bərpa olunmadan oynaması
Bu vəziyyət Xabi Alonsonun müdafiədə sabit rotasiya qurmasına mane olur.
Mütəxəssislər müdafiədəki bu zəifləmənin artıq sadə forma itkisi yox, struktur problemə çevrildiyini bildirir. Alonso mümkün qədər tez mövsümün əvvəlindəki müdafiə gücünü geri qaytarmalıdır. Əks halda bu zaafiyyətlər komandanın titul yarışına ciddi təsir edə bilər.
Medianews.az
