ABŞ-ın Florida ştatının qubernatoru Ron De Santis Amerika-İslam Münasibətləri Şurasının (CAIR) və “Müsəlman qardaşları” təşkilatının ştat ərazisində xarici terror təşkilatı kimi tanınması haqqında sərəncam imzalayıb.
Politoloq Xaqani Cəfərli Medianews.az-a bildirib ki, sərəncamda sözügedən qurumların “HƏMAS”, “Hizbullah” və digər Fələstin qrupları əlaqəli olduğu vurğulanıb. Sərəncama əsasən, Florida Hüquq Mühafizə Departamentinə və Florida Yol Patruluna bundan sonra “terror təşkilatlarının qeyri-qanuni fəaliyyətinin qarşısını almaq” səlahiyyəti verilib.
Politoloq qeyd edib ki, ABŞ Konqresinin bu həftə “Müsəlman qardaşları”nın terror təşkilatı kimi tanınması haqda qanun qəbul edəcəyi haqda da məlumatlar dolaşır.
