Moskva vilayətində qayıqla gəzinti zamanı 69 yaşlı biznesmen, keçmişdə “Solntsevskaya” mütəşəkkil cinayətkar dəstəsinin liderlərindən biri olmuş Viktor Averin həlak olub.
Musavat.com xəbər verir ki, bu barədə “Kommersant” məlumat yayıb.
Hadisə şənbə günü, dekabrın 20-də axşam saatlarında Moskva vilayətində, Klyazma su anbarında yerləşən yaxta-klublardan birinin ərazisində baş verib. Məlumata görə, Averin 5 nəfərlə birlikdə qayıqda olub. Naməlum səbəbdən su nəqliyyat vasitəsi aşıb. 5 sərnişin sudan çıxmağa müvəffəq olub, onlardan biri xəstəxanaya yerləşdirilib. Averinin meyiti isə sonradan dalğıclar tərəfindən tapılıb.
Biznesmenin həyat yoldaşı onun ölüm faktını təsdiqləyib.
Məlumata əsasən, Averin qayıq gəzintisini Rusiya prezidenti Vladimir Putinin tələbə yoldaşı, onun əmisiqızının əri, həmçinin “RusGidro” şirkətinin baş direktoru olan şəxsin atası Viktor Xmarín (böyük) ilə birlikdə edib.
Həmin qrupda vəkil Viktor Perekotov, biznesmen Şamistan Əliyev, mühafizəçi İvan Abramushin və 18 yaşlı model Yekaterina Leonova da olub. Qrup Averinə məxsus yeni alınmış meşə sahəsinə baxış keçirmək üçün “Sever” markalı aerolodkadan istifadə edib. Qayıq Averinin özü tərəfindən idarə olunub.
İstintaq iki versiyanı nəzərdən keçirir: ya qayıq dönərək buz kənarına ilişib və aşıb, ya da buz üzərinə çıxarkən idarəetməni itirib və buzun sınması nəticəsində çevrilib.
Hadisə Rusiya cəmiyyətində və mediada geniş rezonans doğurub.
