Bu gün 64 yaşı tamam olan Prezident İlham Əliyev Azərbaycanın ən yüksək təltifi olan “Heydər Əliyev” ordeni laureatıdır.
Medianews.az dövlət başçısının aldığı başqa ordenlərin siyahısına da nəzər salıb:
Qafqaz Müsəlmanları İdarəsinin “Şeyxülislam” ordeni
Türkiyə Respublikasının “Dövlət nişanı” ordeni
Türk Dünyasının Ali Ordeni
Qazaxıstan Respublikasının “Altın kıran” – “Qızıl qartal” ali ordeni
Fransa Respublikasının “Fəxri Legionun Böyük Xaç Komandoru” ordeni
Polşa Respublikasının “Xidmətlərə görə” Böyük Xaç ordeni
Rumıniyanın “Rumıniya Ulduzu” ordeni
Rumıniyanın “Sadiq Xidmət” milli ordeninin Böyük Xaç ranqı
Rumıniyanın “Sadiq Xidmət” milli ordeni
Bolqarıstan Respublikasının “Stara Planina” ordeni
“Serbiya Respublikasının lentli Ordeni”
Latviya Respublikasının “Üç Ulduz” ordeninin “Böyük Xaç Kavaleri” dərəcəsi
Ukraynanın I dərəcəli “Knyaz Yaroslav Mudrı” ordeni
Ukraynanın “Azadlıq” ordeni
Belarusun “Xalqlar dostluğu” ordeni
Tacikistan Respublikasının “İsmoili Somoni” ordeni
Səudiyyə Ərəbistanı Krallığının “Kral Əbdüləziz” ordeni
Küveyt Dövlətinin “Mübarək əl-Kəbir” ordeni
Rusiya Federasiyasının Təhlükəsizlik, Müdafiə və Hüquq Qaydası Problemləri Akademiyasının I dərəcəli Aleksandr Nevski ordeni
Rus Pravoslav Kilsəsinin I dərəcəli Müqəddəs Serqi Radonejski ordeni
Rus Pravoslav Kilsəsinin “I dərəcəli Şöhrət və Şərəf” ordeni.
1961-ci il dekabrın 24-də Bakıda doğulan İlham Əliyev Moskva Dövlət Beynəlxalq Münasibətlər İnstitutunu və həmin təhsil ocağının aspiranturasını bitirib, orada dərs deyib. Tarix elmləri namizədidir.
Azərbaycan Dövlət Neft Şirkətinin vitse-prezidenti və birinci vitse-prezidenti postlarını tutub.
1995 və 2000-ci illərdə Milli Məclisin üzvü seçilib.
Yeni Azərbaycan Partiyası sədrinin müavini, sədrin birinci müavini olub. 2005-ci ildən partiyanın sədridir.
2003-cü il avqustun 4-də Baş nazir təyin olunub.
2003-cü il oktyabrın 15-də, 2008-ci il oktyabrın 15-də, 2013-cü il oktyabrın 9-da, 2018-ci il aprelin 11-də və 2024-cü il fevralın 7-də ölkə Prezidenti seçilib.
