Ermənistanın Baş naziri Nikol Paşinyan Azərbaycan ərazisindən Ermənistana yük daşımalarının blokdan çıxarılması ilə bağlı qərara görə Azərbaycan Prezidenti İlham Əliyevə təşəkkür edib.
“Qafqazinfo” xəbər verir ki, bu barədə Paşinyan Ali Avrasiya İqtisadi Şurasının iclasında çıxışı zamanı danışıb.
Paşinyan Avrasiya İqtisadi İttifaqına (Aİİ) üzv və müşahidəçi ölkələrlə konstruktiv dialoqun regional iqtisadi inteqrasiyanın gücləndirilməsi baxımından vacibliyini vurğulayıb.
“Bu, regionda sülh və sabitliyin formalaşdırılması çərçivəsində əldə olunan ilk və ən mühüm nailiyyətlərdən biridir”, – deyə Paşinyan vurğulayıb.
Onun sözlərinə görə, hazırda baş verən konstruktiv dəyişikliklər region ölkələri üçün yeni imkanlar açır, iqtisadi dayanıqlığın möhkəmlənməsinə və regional kommunikasiyaların genişlənməsinə töhfə verir.
